少年筆戰

　　最近因為某次活動，忽然很有興趣及動力去跟別人吵架，下面是筆戰的內容

佛爺：關人品問題咩事？

蓉萱：緊係關啦，搞活動係要睇同咩人搞先會搞得好。

佛爺：咁個活動問左你地好多次都無反應，咁咪搞d人唔知去唔去好，最後只能取消。

蓉萱：睇黎你都係唔知發生緊乜事。

佛爺：係咩事？唔係只是這個原因咩？

蓉萱：裂痕呢樣野，係好多野加加埋埋既，唔係突然就有。

佛爺：我無話唔去長發啊。

蓉萱：咁我由頭講。

佛爺：？

蓉萱：一開始有幾個關於日期同地點既提議，少人出聲係因為多數人都要返工，唔係有咁多時間睇FB，少人出聲唔一定無意見。

佛爺：咁個問題係，本來已經定好哂係星期二，點知又推倒重來。

蓉萱：你見到少人出聲，起碼都會打電話問下人地掛，問都唔問就直接落實星期二，你落實果陣有冇問過要返工果幾位？

佛爺：早知個結果係咁，早知成個活動就唔應該搞。

蓉萱：我問過你有冇問埋Harris，你連問都唔問，唔係我去問，你都唔會知原來佢果晚唔得閒。

佛爺：咁我當時無佢電話，我咪叫你幫我問佢。

蓉萱：咁佢上FB搞投票既時候，你又洗唔洗種票啊？

佛爺：我都無種票。

蓉萱：搵個唔係參加既人投九西，Suki唔係你邀請架咩？

佛爺：咁結果係九東，我都無反對啊。本來個出發點係家寶住係天水圍，第一佢唔知點去長發，第二都係為了遷就佢，唔好去咁遠。

蓉萱：咁點解當初家駒問可唔可以改九東既時候，你又要話「真是無辦法就到所有人」，Mike住係寶琳果邊就唔遠？

佛爺：咁當初mike無話反對去九西啊，成件事係家駒突然話要轉去九東先搞到咁複雜。

蓉萱：佢係無所謂，唔似得人地唔肯就其他人。

佛爺：我係觀塘，去長沙灣都遠嫁，遠過你地兩個。

蓉萱：有幾複雜，就下d放工先黎既人係咪會死？

佛爺：取消就取消吧，以後都唔搞咁多。

蓉萱：都唔知你堅持黎做乜，無返工既就下人地放工先黎既都唔得。

佛爺：上次去馬教授書房，你地話去，最終都唔通知我，你地就去了，咁這單我都無計過。

蓉萱：係咪唔去長沙灣就會死人？

佛爺：反正這最多是溝通問題，唔關人品問題事

蓉萱：去教授書房同通知你有咩關係？

佛爺：你岩哂，我講唔過你，我收聲，唔講了。

蓉萱：講真，冇人品問題就唔洗淨係搵我地呢班yr低既師弟師妹啦。老實講，未去過可以約埋一齊去，遠既一次半次唔會好大問題。

佛爺：以後都唔約了，太麻煩了。我同你講多次，就算係人品問題，都唔係我的問題。找了你地咁多次，覆都唔覆，你地就無問題？又無交帶。

蓉萱：你冇我地電話咪出聲囉。呢幾日都叫冇交帶？你留意下FB，為左呢個活動，我令佢地多左上FB。

佛爺：唔嘈了，無咩好嘈，大家收聲。

蓉萱：唔夠人講叫人收聲，你改下自己既言語，就唔會得罪咁多人。

佛爺：我以前約過咁多次，都無好似今次搞到咁複雜。

蓉萱：人品問題。

佛爺：係你地人品有問題，你似乎連咩叫人品都唔知。

蓉萱：你知唔知參加既8個人，連埋Sam哥9個人入面，已經有過半數人係好憤怒。